Elska að fá pakka en ég fékk einmitt einn slíkan í gær frá iherb. Iherb er internetverslun sem er með náttúrulegar, hollar og góðar vörur - og eru alls ekki dýrar. Ákvað að láta fylgja með það sem ég pantaði mér, get ekki alveg sagt hvort ég mæli með þeim eða ekki en ef ég rekst a gull þá læt ég heyra í mér
Stóri strákurinn minn er með frekar leiðinlegt exem sem vill bara haldast niðri með sterakremi en ég er ekki mikið fyrir au krem svo að ég vil endilega finna eitthvað annað sem virkar. Ég hef reynt hempfræ og það hefur minnkað exemið en hann hefur ekki náð að losna við það svo að ég er tilbúin að reyna allt - vona að þetta virki. Þetta eru einungis náttúruleg efni eins og shea smjör, argan olía og kamilla. Það er frekar sterk lykt af þessu, mjög góð lykt, en samt sterk svo að ég held að ég ætli að prufa þetta krem á mér áður en ég set þetta á litla, stóra strákinn minn.
Húðin mín getur verið frekar leiðinleg en er alls ekki feit - er meira viðkvæm og þurr/venjuleg en mig langaði samt að prufa þennan maska. Hef heyrt rosalega góða hluti um hann, að hann eigi að draga óhreinindi út og að húðin verði slétt og eins og ný. En þessi maski er samt leirmaski, sem er betri fyrir feita húð, svo að ég ætla að fara varlega í hann. Það er mjög góð piparmyntu lykt af honum og þér líður eins og að hann sé að gera eitthvað.
Þetta krem kostaði bara rétt um 100 krónur sem prufa, iherb hefur alltaf prufur sem kosta þá minna og í þetta skiptið var þetta krem partur af þeim. En kremið á að innihalda manuka hunang sem á að mýkja húðina.
Ég er með mjög viðkvæma og rauða húð og mig vantaði gott dagkrem - þetta inniheldur kamillu sem á að róa húðina og hunang sem á að mýkja hana og hreinsa hana. Áferðin á þessi kremi er frekar sérstök og lyktin er líka ekki alveg minn tebolli en ég hlakka samt til að prufa það
Féll alveg fyrir Kylie Jenner varalita-æðinu og var að vona að þessi myndi henta í það. Þessi er samt aðeins of bleikur og ljós en er samt mjög fallegur litur. Varaliturinn er mjúkur, þurrkar ekki varirnar og helst rosalega vel á miðað við að hafa kostað 200 krónur
Vantar gott augnkrem svo að ég ákvað að prufa þetta. Er laust við paraben efni og á að lýsa augnsvæðið og losa við hrukkur - SELT. Áferðin er rosalega mjúk og lyktin er æðisleg en spurning hvort þetta geri það sem það á að gera.
Var rosalega spennt fyrir þessum en hann er alveg náttúrulegur með kanil. Hann litar varirnar örlítið rauðar og kanillinn lætur varirnar stækka örlítið. Þessi er uppáhald nú þegar
Þessi hármaski inniheldur kókosolíu, ólífuolíu, avocado olíu og silkiprótein en er án parabenefna. Hlakka til að prufa hann
Vantaði aloe vera gel og hef ekki nægilega græna fingur til að geta haldið aloe vera plöntu lifandi. Þetta er 99% aloe vera ásamt e, a og c-vítamini og þetta kostaði bara rúman 300 kall svo að ég ákvað að prufa þetta.
Allt þetta kostaði 42 dollara með sendingarkostnaði og svo var blessaður tollurinn 2400 krónur. Mér finnst það bara frekar vel sloppið miðað við hversu mikið var í kassanum :-)
- Gauja
%2B-%2BCopy.JPG)
.jpg)
